La Dictada occitana de 2010 se debanèt a Nimes au Collègi Revolucion lo 30 de genièr. Lo senher Principau nos aculhiguèt e declarèt que leis oras d’occitan anarián augmentar e qu’aviam son sosten. Òsca ! 70 personas èran presentas e 53 personas faguèron la dictada. Lo tèxt èra causit dins lo libre de Jòrdi Peladan : « Treparàs pas mon semenat », un roman policièr que li donèt lo Prèmi Paul Froment en 2009. Es de notar amb plaser la preséncia a la dictada de fòrça joves, calandrons, collegians e estudiants. La releva es presenta. La remesa dei prèmis animada per Bruno Cecillon fuguèt agradiva. Dins un ambient festiu, l’après dinnar fuguèt animat per lo grop cevenòu « Lo Calèu ». Una capitada encara aquest’an ! An ganhat lei presents recampats amb l’ajuda de nòstrei esponsòrs (...)